Mgr Gallagher na mobembo na Cuba

Nsango ya Vatican

La Havane, mboka mokonzi ya Cuba, eyambi ndako ya ntoma ya Pàpa kobanda 1935, eleko ekolakisa ebandeli ya boyokani ebeba te kati na Vatican na Cuba, atako révolution esalemaka na Fidel Castro oyo akokotisa sima, na 1965, likambo ya parti se yoko ekambemaka na Parti communiste ya Cuba.

Mokolo ya mibale 3 ya sanza ya motoba, “na bobéngi ya bakonzi ya Cuba”, secrétaire akotalaka makambo ya Boyokani na Bikolo pe masanga ya mokili akomaki na La Havane, o eleko ya boluboli mibu 90 ya boyokani kati na bikolo mibale.

Mokolo ya misato 4 ya sanza ya motoba, Mgr Paul R. Gallagher asololaki na ministre atalaka Makambo ya bapaya, Bruno Eduardo Rodriguez Parrilla, liboso ya kokutana mokolo ya minei 5 ya sanza ya motoba na mokambi ya ekolo, Miguel Diaz Canel, na sima Premier minitre ya Cuba, Manuel Marrero Cruz. Na mobembo eye, Mgr Gallagher akozala na lisangani moko.  

Bakobosana Eklezia ya Cuba te, zambi mobembo ekobanda mokolo ya misato na bokutani moko na ba episkopo ya ekolo. Kaka mokolo ya misato, misa moko ekosalema na cathédrale ya La Havane. Na nsuka mokolo ya mitano 6 ya sanza ya motoba, Mgr Gallagher akokende na Hogar de ancianos de Paula, lopitalo moko ekambami na Eklezia.

Ba pàpa misato bakoma na esanga ya Cuba. Ya liboso ezalaka santu Yoane Polo ya Mibale na 1998. Mobembo ya Benoît ya Zomi na Minei esalemi na 2012 kasi eye ya François esalemaki na 2016. Akutanaka na libándá ya pépo na patriarche Cyrille ya Moscou pe ya ba Russie binso.